Isa sa pinakamasayang araw natin ang pagtatapos sa ating paaralan, ito ang nagsisilbing batayan na makaraos sa hirap at mga pagsubok na naranasan natin bilang mag-aaral. Ngunit naging kakaiba ang kwento sa isang mag-aaral ng Lorma Colleges La Union na si John Marcelino Rosaldo. Sa araw ng kanyang pag-akyat ng entablado bilang estudyante sa kursong nursing ay pinigilan itong makapag-martsa dahilan upang sumama ang kalooban ng kanyang ina at mga kapatid.
Sa Tiktok viral video nagpahayag ng pagkadismaya ang kapatid ni John Marcelino Rosaldo na si Celene Rosaldo, ibinahagi nito ang pagkainis sa nasabing pangyayari naranasan ng kanyang kapatid. Makikita sa video na walang diploma na hawak ang kanyang kapatid dahil nga sa pagpigil ng paaralan na makaakyat ito sa entablado kahit na nakabayad na ito sa nasabing graduation fee. Ang video na may caption na “Di naman masakit” ay umabot na sa 7 milyong views at ang isang video naman kung saan napaiyak na lamang ang kanilang ina ay nasa 5 milyong views na.
Mas lubos naman nasaktan ang kanilang ina dahil sa masayang itong tumungo sa graduation ng kanyang anak ngunit pagkadismaya lamang ang kakahantungan ng lahat. Saad pa ni Celene “Ang pinaka-masakit po dun ay yung itsura ng nanay ko po na kitang-kita niya na yung anak niya na pinull out sa line papuntang stage upang i-receive sana yung diploma,”.
Bagamat ganun na nga ang kinahitnan ng pangyayari, nagbahagi pa rin si Celene ng imahe ng kanyang kapatid na may hawak na diploma ngunit hiniram lamang para naman kahit papaano hindi masayang ang bibihirang pagkakataon ng pagtatapos ni John. Samantala ipinakita din ni Celene ang larawan na nagpapatunay na ang kanyang kapatid ay nakapagbayad bago pa man ang ginanap na graduation.
Hindi man naging maganda ang araw ng graduation ni John, umani pa rin ito ng pagbati at papuri sa mga netizen. Ayon naman sa isang pahayagan nagpa-abot sila ng paghingi sa panig ng paaralan patungkol sa viral video, ngunit wala pang tugon ang mga ito.
